Hjaltalín fyrir norðan Hljómsveitin Hjaltalín verður á Akureyri í kvöld og leikur fyrir gesti Græna hattsins í kvöld. Húsið verður opnað kl. 20:30 og kostar 1.500 krónur inn.
Tommy Lee á Nasa Hinn eini sanni Tommy Lee kemur fram ásamt DJ Aero á sérstöku Burn Party kvöldi á skemmtistaðnum NASA við Austurvöll í kvöld. Húsið verður opnað kl. 23 og er miðaverð í forsölu 3.000 krónur.
Bloodgroup á Organ Meðlimir sveitarinnar Bloodgroup þeyta skífum á Organ í Hafnarstræti í kvöld.
Helgin á Players Hljómsveitin Úlfarnir leikur á Players í Kópavogi í kvöld. Annað kvöld er röðin aftur á móti komin að Spútnik.
Þorradansleikur Harmonikufélag Reykjavíkur heldur þorradansleik í Lionssalnum Auðbrekku 25-27 í Kópavogi laugardagskvöldið 26. janúar kl. 22.
Mozart á Kjarvalsstöðum Valinkunnir tónlistarmenn halda tónleika í tilefni af fæðingardegi tónskáldsins Mozarts á Kjarvalsstöðum, sunnudaginn 27. janúar kl. 20. Þá mun Helgi Jónsson fjalla um tónskáldið og tónlistina sem flutt verður.
Til heiðurs Stefáni Íslandi Karlakórinn Heimir í Skagafirði flytur söngdagskrá til heiðurs stórsöngvaranum Stefáni Íslandi í Reykholti í kvöld kl. 20:30 og í Langholtskirkju á morgun kl. 16.
Disney í kirkjunni Æskulýðskór Glerárkirkju ásamt góðum gestum flytur lög úr Disney-myndum og barnasöngleikjum í Glerárkirkju 27. janúar kl. 14 og kl. 16. Miðaverð er 1.500 krónur.
Tónleikar í Mosfellskirkju Tríó Artis heldur nýárstónleika sína í Mosfellskirkju sunnudaginn 27. janúar kl. 17. Leikin verða verk eftir J.S. Bach, Claude Debussy, Atla Heimi Sveinsson og fleiri. Aðgangur er ókeypis.
Til baka
Leita í greinasafni
Prenta grein
