BRIDS - Guðmundur Páll Arnarson | ritstjorn@mbl.is

Útspil í trompi.

Suður spilar 4♥.

Spilarar eiga það til að trompa út af eintómum ótta við að hreyfa aðra liti. Slík hræðsluútspil eru þó oft bara frestun á vanda, eins og spilið að ofan sýnir vel. Það er frá Reykjavíkurmótinu í sveitakeppni.

Suður opnar á 1♥ og ítrekar litinn við kröfugrandi. Norður hækkar svo í 4♥. Vestur trompar út og sagnhafi tekur á ás og spilar meira trompi. Austur á slaginn á ♥K og verður að reyna að koma sér skaðlaust út. Ekki er freistandi að spila tígli frá kóngnum, né að hreyfa laufið með Gx. Það virðist illskást að spila spaða, þótt tían í borði sé vissulega hættuleg. Í reynd spilaði austur spaða, sagnhafi hleypti á tíuna og vann sitt spil.

Gallinn við „passíf“ trompútspil er sá að þau veita litlar upplýsingar. Þegar vörnin kemst inn í slag tvö eða þrjú er spilið enn í þoku.