KÖGUN, ásamt dótturfélögunum Skýrr, EJS og Eskli, skilaði 645 milljóna króna hagnaði á árinu 2007, samanborið við 1,2 milljarða tap árið áður. Munaði þar mestu um nær milljarðstap ársins 2006 vegna aflagðrar starfsemi. EBITDA jókst um 24% milli ára og var nú 1.080 milljónir, en hagnaður fyrir skatta nam 837 milljónum. Rekstrartekjur jukust einnig um 24% og voru nú 9.058 milljónir. Þá jókst framlegð um 438 milljónir, eða 25%, frá árinu 2006, sem er nokkuð umfram væntingar.
Eigið fé nam 3,1 milljón króna við árslok, um 18% af heildareignum.
Breytingar hafa orðið hjá Kögun á síðasta ári. M.a. sameinuðust Verk- og kerfisfræðistofan og Kögurnes Kögun, og Skýrr sameinaðist Teymi, en Kögun er nú hluti af samstæðu Teymis. Í tilkynningu segir að stjórnendur séu ánægðir með uppgjörið og verkefnastaða allra félaga sé góð.