IDENTITY (Sjónvarpið kl. 22.50) Fyrsta mynd Mangolds (3:10 to Yuma, Walk the Line ), sem vakti verulega athygli fyrir stílbrögð og óhefðbundna framvindu. Gerist á óveðurskvöldi á afskekktu vegahóteli þar sem gestirnir fara að týna tölunni.
IDENTITY
(Sjónvarpið kl. 22.50)Fyrsta mynd Mangolds (3:10 to Yuma, Walk the Line ), sem vakti verulega athygli fyrir stílbrögð og óhefðbundna framvindu. Gerist á óveðurskvöldi á afskekktu vegahóteli þar sem gestirnir fara að týna tölunni. Pottþéttur leikhópur, öðruvísi. *** ½
ENEMY MINE
(Stöð 2 kl. 23.40)Jarðarbúi og drekamaður úr öðru sólkerfi nauðlenda samtímis á mannlausri plánetu. Að frádregnum heldur væmnum endi tekst kvikmyndagerðarmönnunum að höndla efnið á spennandi hátt með hæfilegri blöndu af kímni og harmi. Myndin á að gerast við lok 21. aldarinnar og leikmyndirnar ljá henni þann ævintýraljóma sem hinn ókannaði geimur býr yfir. *** ½
BLUE SKY
Stöð 2 Bíó kl. 18.00)Þrátt fyrir reyfarakennt yfirbragð og drottnandi nærveru Lange á köflum, er myndin fyrir ýmsa hluti athyglisverð. Umfjöllunarefnið er bæði hin brothætta og margslungna persóna Carlyar sem Lange leikur skínandi vel, hinsvegar tekur myndin á viðkvæmu innanríkismáli í USA, glæfralegum kjarnorkuvopnatilraunum á sjötta og sjöunda áratugnum. ***
Sæbjörn Valdimarsson