SKOSK-íslenska flugfélagið City Star Airlines hefur hætt starfsemi, að því er fram kemur á vef félagsins, og fjallað var um í gær í skoskum og íslenskum fjölmiðlum.
SKOSK-íslenska flugfélagið
City Star Airlines
hefur hætt starfsemi, að því er fram kemur á vef félagsins, og fjallað var um í gær í skoskum og íslenskum fjölmiðlum. Félaginu var stjórnað af bræðrunum
Rúnari og Atla Árnasonum
og var það í eigu nokkurra Suðurnesjamanna, auk skoskra eigenda. Félagið hefur haldið úti áætlunarflugi frá
Aberdeen
í Skotlandi til nokkurra áfangastaða í Noregi. Ástæða þess að félagið hættir er einkum rakin til
bilana
í tveimur af
fjórum Dornier
-vélum, en önnur þeirra varð fyrir
alvarlegum
skemmdum á flugvellinum í Aberdeen í nóvember sl. Því hafi ekki verið hægt að halda úti starfseminni. Fram kemur í
Víkurfréttum
að hluthafafundur hafi nýlega verið haldinn í Grindavík þar sem greint hafi verið frá
erfiðri stöðu
félagsins og ákvörðun um að hætta starfsemi, a.m.k. í bili.