Heitfeng Menntaskólanemarnir Brynjólfur Gauti Jónsson og Freyja Sif Þórsdóttir ákváðu einfaldlega að vera léttklædd í janúarfrostinu og söfnuðu áheitum, samnemendum sínum til mikillar kátínu.
Heitfeng Menntaskólanemarnir Brynjólfur Gauti Jónsson og Freyja Sif Þórsdóttir ákváðu einfaldlega að vera léttklædd í janúarfrostinu og söfnuðu áheitum, samnemendum sínum til mikillar kátínu.
Rektorinn Yngvi Pétursson, rektor Menntaskólans, lagði hönd á plóg og afgreiddi nemendur í Kakólandi, mötuneyti skólans.
Kvalinn Árni Freyr Þorsteinsson ákvað að slá tvær flugur í einu höggi; hann lét vaxa á sér rassinn og safnaði áheitum í leiðinni. Eins og sjá má var angistin mikil hjá Árna, en aðrir virtust hafa gaman af.
Kossasala Arnar Tómas Valgeirsson seldi kossa sína allt hádegishléið góðum kjörum. Verðskráin fór þó eftir kynferði kaupandans, þar sem stúlkur fengu helmingsafslátt.
Vaxaður Haraldur Þórir Proppé Hugosson var ekki síður kvalinn þegar þeir Marino Páll Valdimarsson og Einar Örn Hannesson sviptu hann öllum líkamshárum milli hauss og mittis, sem voru fjölmörg.
[ Smellið til að sjá stærri mynd ]
NEMENDUR Menntaskólans í Reykjavík stóðu fyrir áheitasöfnun í gær til styrktar UNICEF. Þetta var í fjórða sinn sem söfnunin, er nefnist Gleði til góðgerða, fór fram.

NEMENDUR Menntaskólans í Reykjavík stóðu fyrir áheitasöfnun í gær til styrktar UNICEF. Þetta var í fjórða sinn sem söfnunin, er nefnist Gleði til góðgerða, fór fram. Mikil stemning skapaðist í skólanum á söfnunardaginn enda áskoranirnar sem nemendur takast á við oft á tíðum kúnstugar.

Ekki var komið í ljós í gærkvöldi hvað MR-ingar söfnuðu miklu fé til hjálparstarfs UNICEF að þessu sinni en vonir stóðu til að upphæðin yrði um þrjú hundruð þúsund eins og fyrri ár.