TALSVERÐAR lækkanir á hlutabréfum urðu í flestum kauphöllum heims í gær, sem allar eru meira og minna raktar til neyðarsölunnar á Bear Stearns fjárfestingabankanum.
TALSVERÐAR lækkanir á hlutabréfum urðu í flestum kauphöllum heims í gær, sem allar eru meira og minna raktar til neyðarsölunnar á Bear Stearns fjárfestingabankanum. Fyrst varð lækkun í Asíu, mest um 5% í Sjanghæ, og síðan í öllum kauphöllum Evrópu, með allt að 4,2% lækkun sbr. DAX í Þýskalandi. Þar hafði afkomuviðvörun frá Siemens mikið að segja, en bréf félagsins lækkuðu í gær um 16% í kauphöllinni í Frankfurt. Gefin var út viðvörun um 900 milljóna evra minni hagnað en áður hafði verið talið. FTSE-vísitalan í Lundúnum lækkaði um 3,85%. Viðskipti í Wall Street í New York voru sveiflukenndari. Dow Jones endaði upp á við, hækkaði um 0,18%, Nasdaq-vísitalan lækkaði hins vegar um 1,6% og S&P lækkaði um 0,9%