velvakandi

Eyrnalokkur fannst

LÍTILL eyrnalokkur fannst á gatnamótum Baldursgötu og Þórsgötu fyrir síðustu helgi. Eigandinn getur sent fyrirspurn, sms eða hringt í síma 865-7905 og hringurinn fæst afhentur gegn lýsingu á honum.

Bíllykill fannst

SUBARU-bíllykill fannst á Furumel í Reykjavík. Upplýsingar í síma 659-5912.

Peningaveski tapaðist á Q-bar

BRÚNT peningaveski var tekið úr tösku minni á Q-bar, laugardagskvöldið 15. mars. Í því eru margir persónulegir hlutir, þar á meðal lyfin mín. Engra spurninga verður spurt og mér er alveg sama þó að það vanti peninga eða greiðslukort, ég vil bara fá veskið aftur.

Finnandi er vinsamlegast beðinn um að hafa samband í síma 661-8800. Halldóra Kristín.

Frábær þjónusta

ÉG pantaði sjónvarpsflakkara á netverslun Elko á föstudaginn og bað um að fá hann sendan heim um kvöldið með Íslandspósti.

Klukkutíma síðar hringdi Guðrún í mig frá netversluninni og sagði að því miður væri þessi flakkari ekki til og bauðst til að athuga hve fljótt hún gæti fengið hann frá birgjanum. Það tókst henni en þá var orðið of seint til að keyra hann út fyrir helgi, sem ég skildi vel en varð fyrir vonbrigðum. En viti menn, seinna um daginn kom Guðrún heim til mín með bros á vör með flakkarann og hafði hún þá skotist við hjá mér á heimleið úr vinnu þar sem hún sagðist búa rétt hjá mér. Frábær þjónusta frá Guðrúnu og þakka ég henni enn og aftur kærlega fyrir.

Þakkir til Jónatans Garðarssonar

ÉG vil þakka Jónatani Garðarssyni fyrir frábæran þátt. Það hefur kostað mikla vinnu að grafa upp allt um þessa gömlu jaxla. Takk fyrir.

Gleraugu töpuðust

KVENGLERAUGU töpuðust 7. mars sl., hugsanlega í Austurstræti, Bankastræti eða á Laugavegi. Finnandi er vinsamlega beðinn að hringja í síma 844-1465.