Bob Dylan Heldur tónleika öðru sinni á Íslandi hinn 26. maí.
Bob Dylan Heldur tónleika öðru sinni á Íslandi hinn 26. maí. — Reuters
MIÐASALA á tónleika Bobs Dylans í Egilshöll hinn 26. maí hefst 28. mars kl. 10, á vefnum midi.is og öllum afgreiðslustöðum Miða.is.
MIÐASALA á tónleika Bobs Dylans í Egilshöll hinn 26. maí hefst 28. mars kl. 10, á vefnum midi.is og öllum afgreiðslustöðum Miða.is. Ákveðið hefur verið að halda miðaverði í algjöru lágmarki, að því er segir í tilkynningu frá tónleikahaldara, og er eingöngu selt í stæði. Aðgöngumiði fyrir A-svæði, nær sviði, mun kosta 8.900 kr. og á B-svæði 6.900 kr. Sérstök athygli er vakin á því að svæði A verður þónokkuð minna en tíðkast hefur hingað til í Egilshöll, aðeins 4.000 miðar seldir inn á það en í heildina verða miðarnir 8.000. Forsala fyrir MasterCard-hafa fer fram 27. mars kl. 10 og verður takmarkaður fjöldi miða.