Stjórnendur Landspítala telja lagasetningu einu lausnina semjist ekki við þá hjúkrunarfræðinga sem sagt hafa upp áður, en uppsagnir þeirra taka gildi 1. maí. Þetta er meðal þess sem fram kom á fundi hjúkrunarfræðinganna og sviðsstjóra fyrir helgi.

Stjórnendur Landspítala telja lagasetningu einu lausnina semjist ekki við þá hjúkrunarfræðinga sem sagt hafa upp áður, en uppsagnir þeirra taka gildi 1. maí. Þetta er meðal þess sem fram kom á fundi hjúkrunarfræðinganna og sviðsstjóra fyrir helgi. Annar fundur hefur verið boðaður eftir páska og óska stjórnendur þá eftir tillögum hjúkrunarfræðinganna til lausnar á deilunni.

Nær að auka þjónustuna

Erla Björk Birgisdóttir trúnaðarmaður skurðhjúkrunarfræðinga á Landspítala í Fossvogi segir hjúkrunarfræðinga lítið hafa til málanna að leggja. „Við ætlum ekki að leggja það til að launin okkar verði lækkuð. Við getum ekki séð að það sé einhver leið betri en þessi sem hefur verið farin hingað til. Þessi leið sem lögð hefur verið til kemur þannig út fyrir okkur að við þurfum að vera meira í vinnunni fyrir minni pening og álagið eykst.“

Erla Björk segir að nær væri að auka þjónustuna með því að hafa hjúkrunarfræðinga í húsinu líka um helgar. Það þýði þó aukinn kostnað.

„Þó það sé titringur í fólki þá eru samt allir harðákveðnir í að standa á sínu,“ segir hún.

Ekki náðist í Guðlaug Þór Þórðarson heilbrigðisráðherra vegna málsins.

fifa@24stundir.is