Tárin þerruð.
Norður | |
♠G763 | |
♥G1042 | |
♦Á6 | |
♣1076 |
Vestur | Austur |
♠D10 | ♠ÁK954 |
♥9873 | ♥6 |
♦-- | ♦G1072 |
♣ÁKDG532 | ♣984 |
Suður | |
♠82 | |
♥ÁKD5 | |
♦KD98543 | |
♣-- |
„Ég trúi þessu ekki, áttu engan tígul? Þá fer ég einn niður.“ Suður lagði upp og harmaði þau örlög sín að lenda í 4-0 legu í trompi. En ekki lengi.
Spilið er frá undanúrslitum Íslandsmótsins og gekk á ýmsu, auðvitað, eins og alltaf þegar skiptingin er mikil. Á tilvitnuðu borði vakti vestur á 2♣, Precision , og austur hleraði með 2♦. Suður ákvað að ganga rösklega til verks og stökk í 5♦, sem vestur passaði treglega og líka þegar makker hans doblaði. En hvað gat hann svo sem gert? Vörnin fékk tvo slagi á spaða og einn á tromp.
„Mig grunaði það, við eigum sex lauf,“ sagði vestur í eftirmálanum og suður þerraði tárin. „Ég passaði fimm tígla – það er krafa ,“ bætti vestur við og reyndi þannig að gera makker sinn samsekan, án árangurs. Í svona spilum verða menn að hrökkva eða stökkva. Það er ekki til vísindaleg lausn.