Guðni Ágústsson, formaður Framsóknarflokksins, lætur Jón Sigurðsson, fyrrverandi formann Framsóknarflokksins, ekki eiga neitt inni hjá sér, hvað varðar hugsanlega aðildarumsókn að Evrópusambandinu.
Jón Sigurðsson skrifaði grein hér í Morgunblaðið í fyrradag þar sem hann sagði tíma umsóknar vera kominn. Formaðurinn fyrrverandi sagði að vísu einnig: „Úrslit í Evrópumálum verða aðeins ráðin við samningaborð og í þjóðaratkvæðagreiðslu.“
Guðni svarar Jóni í frétt hér í Morgunblaðinu í gær þar sem hann segir m.a.: „Jón Sigurðsson kenndi mér margt en eitt kenndi hann mér alveg sérstaklega og það var að ef menn ætla að sækja um aðild að Evrópusambandinu gera þeir það ekki í veikleika sínum heldur í styrkleika sínum.“
Er eggið farið að kenna hænunni í Framsóknarflokknum?!
Hvers vegna hafa orðið sinnaskipti hjá Jóni?
Valgerður Sverrisdóttir, varaformaður Framsóknarflokksins, talar á sömu nótum og formaðurinn fyrrverandi. Hverjum fylgja flokksmenn Framsóknar að málum?
Eitt er víst: grasrótin á landsbyggðinni styður Guðna.
Til baka
Leita í greinasafni
Prenta grein
