„ Guli hanskinn er hvarvetna nauðsynlegur enda tryggir hann ávallt gott stuð,“ segir Óttarr Proppé sem setur hér saman gátlista fyrir þjóðhátíð. „Hanskinn kemur sér vel ef maður þarf að veifa í myrkri og svo er hægt að nota hann sem svefnpoka í neyð, þ.e.a.s. ef maður er nógu nettur og slank.“
„Lopapeysa er smart og kemur sér alltaf vel fyrir þá sem eru ekki þeim mun loðnari á bringunni. Góð peysa getur líka villt um fyrir ísbjörnum ef þeir skríða á land: „Er þetta bráð eða einn af okkur?““
„Sjóhattur , páfagaukur og staurfótur eru viðeigandi búnaður í verstöð Íslands. Ef illa fer getur maður sent páfagaukinn á haf út eftir fiskmeti, kveikt upp í fætinum og soðið sér sjávarréttasúpu í hattinum.“
„Guðir tónlistarinnar mæta alltaf með aukavakt á þjóðhátíð. Því þykir mér sjálfum gott að hafa
píanó og Hrafn Thoroddsen við höndina til lagasmíða. Þeir sem hafa minna pláss geta bjargað sér með kassagítar eða blokkflautu . Hrafn er oftast til í tuskið ef maður biður hann fallega.“
dista@24stundir.is