Fargjöld líklega hækkuð

STJÓRN Strætó bs. hefur enn ekki ákveðið hvernig brugðist verður við rekstrarvanda samlagsins, að sögn Ármanns Kr. Ólafssonar, stjórnarformanns Strætó. Fyrir liggur að um 300 milljónir vantar í reksturinn í ár og segir Ármann að þetta megi rekja til hærra eldsneytisverðs og gengis krónunnar. Á síðasta stjórnarfundi Strætó var m.a farið yfir fjárhagslega stöðu byggðasamlagsins og rætt um gjaldskrármál.

„Mér þykir einsýnt að gjaldskráin muni breytast, en það liggur ekki fyrir ákvörðun,“ segir Ármann. Þá velti stjórnin fyrir sér aðkomu sveitarfélaga að samlaginu og hugsanlegri endurskoðun tímataflna vagnanna, með það í huga að minnka kostnað. elva@mbl.is