Brids - Guðmundur Páll Arnarson | ritstjorn@mbl.is

Lauria á Bridgebase.

Sagnir ítölsku meistaranna Lauria og Versace fengu ekki háa einkunn hjá áhorfendum á Bridgebase, enda 6♥ afleit slemma. En Lauria er engum líkur í úrspilinu. Vestur kom út með ♥G.

Lauria hitti í trompið, tók á ♥K og lét ♥10 rúlla hringinn í öðrum slag. Nú kemur til álita að trompa lauf og treysta á 3-3-legu í tígli, en Lauria leist ekki á þann kost. Þess í stað aftrompaði hann austur. Vestur henti fyrst spaða, síðan laufi og loks tígli í hjörtun. Lauria fór næst í spaðann, læddi áttunni í gegn og spilaði svo ♠Á og spaða. Vestur komst skaðlaust út á tígli, en örlög hans voru innsigluð, því hann mátti ekkert spil missa í síðasta spaðann. Hann gerði sitt besta með því að henda ♣G, en Lauria las stöðuna rétt og lagði niður ♣Á.