Ýmsar ástæður geta verið fyrir því að börn naga neglur sínar, þær helstu og algengustu eru þó að barnið býr við spennu eða kvíða. Foreldrar sem vilja ráða bót á þessari hegðun barna sinna ættu að fara varlega að barninu og láta vera að skamma það fyrir athæfið. Foreldrar þurfa frekar að sýna biðlund og minnka streituvalda í umhverfi barnsins og sjá hvort barnið lætur ekki af því að naga neglur sínar. Ef barnið getur ekki hætt að naga neglurnar og hegðunin færist jafnvel í aukana (bíta í húð sína, naga fatnað, reyta hár eða sýna önnur kvíðaeinkenni) er fyllsta ástæða til þess að leita aðstoðar heimilislæknis eða barnasálfræðings eftir frekari úrræðum til hjálpar barninu.
dista@24stundir.is