Öll olíufélögin hækkuðu í gær verð á bensíni og olíu. N1 hækkaði lítraverð á bensíni um 3 krónur og á dísilolíu um 5 krónur. Bensín þar kostar nú 168,70 krónur lítrinn og lítrinn af dísil 186,60 krónur.

Öll olíufélögin hækkuðu í gær verð á bensíni og olíu. N1 hækkaði lítraverð á bensíni um 3 krónur og á dísilolíu um 5 krónur. Bensín þar kostar nú 168,70 krónur lítrinn og lítrinn af dísil 186,60 krónur.

Lítraverð á bensíni hækkaði um 4 krónur hjá Skeljungi en dísil um 6 krónur. Þar er bensínlítrinn krónu dýrari en hjá N1 en dísillítrinn er krónu ódýrari.

Sama verð er á eldsneyti hjá Olís. Hjá Atlantsolíu kostar bensínlítrinn 168,10 krónur og dísillítrinn 185,10. Verðið hjá Orkunni er 10 aurum undir því verði.