Stafganga hentar jafnt ungum sem öldnum, hjartasjúklingum sem keppnisfólki. Ganga er eðlileg hreyfing og góð aðferð til að styrkja líkamann og losna við aukakíló. Rannsóknir hafa leitt í ljós að brennslan getur verið 20 prósent meiri en í venjulegri göngu og stafganga styrkir líkamann 40 prósent meira en venjuleg ganga.
Góð fyrir hjartað
Stafganga þjálfar alla stærstu vöðva líkamans og fyrst og fremst þann allra mikilvægasta: Hjartað. Með því að nota stafi við gönguna virkjast vöðvar efri hluta líkamans meira en í venjulegri göngu og það losnar um spennu í efri hluta líkamans s.s í hálsi og herðum. Ekkert aukaálag er á hné, ökkla eða hrygg. Þú þjálfar liðina í að þola álag án þess að leggja of mikið á þá.
Hvernig á að ganga?
Jóna Hildur Bjarnadóttir, sviðsstjóri almenningsíþróttasviðs Íþrótta- og ólympíusambands Íslands, kennir lesendum hvernig skal bera sig að:*Hafa þarf í huga að hreyfingar líkamans eiga að vera eðlilegar og óhindraðar.
*Þegar stigið er fram í hægri fót kemur vinstri handleggur samhliða fram.
*Athugið að halda handleggjum að líkamanum.
*Þungi er færður yfir á handlegg með því að halla sér örlítið fram
*Sérstaklega er mikilvægt að einbeita sér að efri hluta líkamans.
*Axlir eiga að vera slakar og armarnir eiga að sveiflast óhindrað með líkamanum. Ef axlir eru stífar þá er enginn ávinningur af hreyfingunni.
*Í aftursveiflu armsins opnast lófinn alveg í lok hennar.
dista@24stundir.is
Til baka
Leita í greinasafni
Prenta grein
