Dagbók Mjallar 18.09.2007:
Flesta daga þá líður dagurinn eins og aðrir dagar. Hjartamálin eru þarna alltaf á bak við og oft ekkert á bak við heldur starandi okkur í andlitið vegna einhvers sem kemur upp. Hins vegar er líf okkar hversdagslegt og barátta okkar við heilsu Bjössa líka. Við erum nefnilega ekki að berjast við heilan hjartasjúkdóm á hverjum degi. Við erum ekki að slást vegna málaferla við spítalann á hverjum degi. Við erum ekki að takast á við ástandið í heild sinni á hverjum degi. Það eru ákveðnir hlutir sem eru verkefni hvers dags og þeim sinnum við.
Einn daginn getur það verið
skömmuð á bílastæði við Smáralind af því við lögðum í stæði fyrir fatlaða og Bjössi er ekki í hjólastól.