Freisti það manns að gæða sér á veitingum í ætt við þær sem tíðkuðust hjá ensku konungshirðinni á 14. öld þá verður aðstoðina fljótt að finna á netinu. Meistarakokkar og annað mataráhugafólk getur því farið að láta sig hlakka til.
Uppskriftabók meistarakokka Ríkharðs II. (1367-1400) verður nefnilega bráðum að finna á stafrænu formi á netinu fyrir tilstilli bókasafn háskólans í Manchester. Bókin nefnist Forme of Cury og inniheldur meira en 200 nákvæmar uppskriftir úr konunglega eldhúsinu. Um er að ræða eitt af 40 handritum sem forsvarsmenn bókasafnsins hyggjast setja á netið til að gera þau aðgengilegri, þar sem skinnhandritin eru það viðkvæm að þau eru ekki höfð í almennri lánadeild safnsins.