Dýri Jónsson hefur tekið við stöðu framkvæmdastjóra leikhópsins Vesturports af Rakel Garðarsdóttur. Hann tekur við góðu búi og segir hér hvað er næst á döfinni hjá Vesturporti og hvað hann horfir og hlustar á í miðjum önnunum.
Hvað er næst á döfinni hjá Vesturporti?
Leikferð til Dublin um helgina með Hamskiptin, í október förum við til New York með Woyzeck og svo er alveg fullt af spennandi hlutum í bígerð; á sviði, í bíói og sjónvarpi.
Hvaða bók er á náttborðinu?
Dance Dance Dance eftir Haruki Murakami.
Hvaða tónlist ertu að hlusta á?
Beirut, B.Sig, Vax og nýja diskinn með Emilíönu Torrini sem er ansi góður.
Á hvaða bíómynd fórstu síðast?
Journey to the Center of the Earth með strákunum mínum.
Uppáhaldssjónvarpsþátturinn?
Mikið í fréttaþáttum þessa dagana. Silfur Egils og svo sá ég www.zeitgeistmovie.com á netinu, kyndir undir gagnrýnni hugsun!
dista@24stundir.is