Emma lætur fara vel um sig Heimiliskötturinn litfagri er orðin sjö ára og Pála segir hana vera einkar vel haldna.
Emma lætur fara vel um sig Heimiliskötturinn litfagri er orðin sjö ára og Pála segir hana vera einkar vel haldna. — 24stundir/Árni Sæberg
Listaverk eftir barnunga vini Eldhús Pálu er skreytt af listaverkum eftir Árna frænda hennar.
Sítrusávextir alla morgna Pála fær sér alltaf safa úr einni appelsínu og einni sítrónu til að koma sér af stað á morgnana.
Litríkt og fallegt Veggfóður í stigaganginum. Pála segir frá því að veggfóðrið þyki það fallegt að brúðhjón ein hafi valið að taka brúðkaupsmyndina með það í bakgrunni.
Notalegt um að litast Heimili Pálu er vinalegtHún segist lítinn áhuga hafa á þvi að sanka að sér hlutum nema þeir hafi merkingu.
Rauðar dyr Útidyrahurðin var máluð í sterkum lit til að vega upp á móti gráleitum lit hússins.
[ Smellið til að sjá stærri mynd ]
Pála Kristjánsdóttir, sýningarstjóri í Borgarleikhúsinu, hefur í nógu að snúast þessa dagana við undirbúning sýninga á leikritinu Fólkinu í blokkinni sem verður frumsýnt þann 10. október næstkomandi.

Pála Kristjánsdóttir, sýningarstjóri í Borgarleikhúsinu, hefur í nógu að snúast þessa dagana við undirbúning sýninga á leikritinu Fólkinu í blokkinni sem verður frumsýnt þann 10. október næstkomandi. Hún gefur sér þó tíma til að bjóða blaðamanni í heimsókn á vinalegt heimili sitt á Njarðargötunni í Reykjavík.

Pála er uppalin á Kópaskeri og fluttist til Reykjavíkur um tvítugt. Áður en hún hóf störf í Borgarleikhúsinu bjó hún í Englandi í nokkur ár þar sem hún stundaði nám í Bristol Old Wick Theater School og starfaði við eitt virtasta leikhús landsins, Royal Exchange.

„Ég kann vel við mig í miðbænum því hér ríkir einhver þorpsbragur sem á vel við mig,“ segir Pála. „Mér þykir líka vænt um þetta hús og hér ríkir góður andi.“

Pála segist litla áherslu setja á innréttingar og húsgögn á heimili sínu. „Þegar ég bjó úti skynjaði ég að íbúum finnast hús og hlutir ekki skipta miklu máli. Heimilið, heimilislífið og andinn skiptir meira máli,“ segir Pála. „Ég held ég hafi tileinkað mér þann hugsunarhátt enda sést það líklegast. Hér er fjörutíu ára gamall sófi og ég hef ekki hugmynd um hvað eldhúsinnréttingin er gömul, hef ekki einu sinni leitt hugann að því að skipta, bæta og breyta. Þetta skiptir mig engu máli.“