Brids - Guðmundur Páll Arnarson | ritstjorn@mbl.is

Spilarinn Kantar.

Flest spilin sem kennd eru við Eddie Kantar eru úr einhverri bóka hans þar sem hann greinir gjarnan frá afrekum annarra spilara. Ekki þetta. Hér var Kantar sjálfur við stýrið, sagnhafi í 4♥, eftir að austur hafði tvímeldað tígul. Vestur kom út í lit félaga síns og austur tók þar tvo slagi, en skipti síðan yfir í tromp. Vandi sagnhafa er mikill, tapslagur á spaða blasir við og einn til tveir í laufi. Hvað er til ráða?

Kantar leysti málið þannig: Eftir aftrompun lagði hann niður ♠Á og spilaði svo litlum spaða frá báðum höndum! Sem sagt, gaf sér að austur ætti ♠Kx, enda engin von í annarri legu. Réttlætið sigraði, austur átti kónginn annan og laufkónginn líka. Austur spilaði laufi, en Kantar renndi því á drottninguna og henti svo laufi í fríspaða.