Varúð Evrópusambandið og Nýja heimsskipulagið!

EKKI alls fyrir löngu sagði forseti Georgíu Saakasvíli um stríðið í Suður-Ossetíu er geisaði þá; þetta er spurning um Nýja heimsskipulagið (eða NEW WORLD ORDER). En allt frá árinu 1974 hefur það verið stefna Rómarklúbbsins (e. Club of Rome) að skipta heiminum niður í 10 svæði. Árið 2005 kom svo Lucio Levi með tillögur um endurbætur á öryggisráðinu, en þessar endurbætur voru reyndar grundvallaðar eftir þessu svæðaskipulagi Rómarklúbbsins. Fyrsta svæðið var Evrópusambandið, síðan kom Asíusambandið (Asean Union), Afríkusambandið (African Union) og þessi sambönd eru nú þegar orðin til. Nú, svo höfum NAFTA og Security and Prosperity Partnership samkomulagið Kanada, Bandaríkin og Mexíkó, og þá er nú þegar orðið til Suður-Ameríkusambandið (SAU). Og einnig Mið-Ameríkusambandið (CAU). Og hver var það sem við þekkjum úr ESB sem er einnig í Rómarklúbbnum, jú, það er enginn annar en Javier Solana. Meðlimir Bilderbergs, Council of Foreign Relations (CFR) og Trilateral Commission hafa verið duglegir við að leggja línurnar undanfarin 50 ár fyrir elítuna eða fyrir þessa alheimsríkisstjórn (One World Goverment). Í skýrslu Council of Foreign Relations (CFR) frá því í maí 2005 stendur að það eigi að byggja Norður-Ameríku samfélag eða „Building A North American Community“ þannig að eftir einhvern tíma verður Norður-Ameríkusambandið komið fram á sjónarsviðið. Þess takmark verður síðan að sameina Norður-Ameríku, Mið-Ameríku, Suður-Ameríku og Karabísku eyjarnar undir Ameríkusambandið (American Union) og síðan öll samböndin undir eina alheims ríkisstjórn. ESB- sinnar eins Tony Blair, Gordon Brown og fleiri hafa verið óhræddir við nefna Nýja heimsskipulagið sem þeir hafa verið að óska eftir.

Er ESB kommúnismi?

Því er hins vegar ósvarað hvernig þetta harðræði Nýja heimsskipulagsins verður. En ef við göngum inn í ESB verður aðalstjórn efnahagskerfisins, þ.e.a.s. fjármál og seðlabanki, flutt til Central Bank í Evrópu, þar sem stjórnendur ESB Commission taka allar ákvarðanir og menn auk þess ekki ábyrgir. Og ekki er heldur hægt að kjósa nýja menn í ESB Commission, ESB Central Bank og þennan dómstól þar, eða hvað þá að það sé hægt að segja þeim upp, þar sem þeir eru skipaðir bak við tjöldin. Þetta fyrirkomulag er mjög svipað og var í fyrrum Sovét, þar sem allar ákvarðanir ESB-þingsins eru bornar upp við Commission er getur síðan auðveldlega hafnað þeim. Það er ekki hægt að segja að þetta sé lýðræðislegt, eins og ESB-sinnar hafa verið að túlka. Nú rétt eins og var við stækkun í fyrrum Sovét jókst spillingin og það sama gildir um ESB, reyndar heyrum við orðið mikið af fréttum um spillingu innan sambandsins. Og ekki hljómar það eins og friðarboðskapur. Hvað þá þegar menn þurfa að nota efnahagslegt einelti til þess eins að reyna koma þjóðum inn í ESB. Hvað skatta varðar borga Bretar núna 13.763 milljónir punda til sambandsins en fá ekki nema 5.693 milljónir punda til eigin nota. Nú auk þess hefur ESB fastmótaða stefnu í orkumálum, umhverfismálum svo og öðrum málum, og erfitt er fyrir einhverja eina þjóð eins og Ísland að breyta eða hafa áhrif á stefnu sambandsins. Þessi tæknilega sameining þjóða mundi frekar ef eitthvað er stuðla að ósjálfstæði þeirra allra.

Er Nýja heimsskipulagið samsæri?

Nei, ekki þegar þessir menn viðurkenna að þeir standi fyrir þessu, og í því sambandi má vitna í David Rockefeller: „Sumir trúa því jafnvel að við (Rockefeller-fjölskyldan) séum partur af leynilegum kapal sem vinnur gegn bestu hagsmunum Bandaríkjanna, þeir saka fjölskyldu mína og mig sem alþjóðamenn um að við eigum í samráði við aðra í heiminum um að byggja betur heildaðan heim... pólitískan og fjárhagslegan strúktúr – Einn heimur. Ef það er ákæran, þá stend ég sekur og er stoltur af því „ –Memoirs , bls. 405. Einnig má nefna fyrrverandi utanríkisráðherra Bandaríkjanna Henry Kissinger sem telur að: „NAFTA er eitt áhrifamesta skrefið inn í Nýja heimsskipulagið.“ Los Angeles Times 1993. Menn eru einfaldlega farnir að sjá hvað er á bak við tjöldin hjá Central Banks elítunni Committee of 300, Rockefeller og Rothschild-liðinu. Nú kannski eigum við von á að sjá Nýja heimsskipulags miðstöðvar hér, svona rétt eins og þessar ESB miðstöðvar. Það verður örugglega mjög erfið og hörð barátta þarna efst á toppnum hjá elítunni í Nýja heimsskipulaginu.