Lightner-dobl.
Norður | |
♠DG96 | |
♥-- | |
♦ÁKG96532 | |
♣8 |
Vestur | Austur |
♠108 | ♠Á3 |
♥DG986 | ♥1075432 |
♦108 | ♦-- |
♣K952 | ♣ÁG1043 |
Suður | |
♠K7542 | |
♥ÁK | |
♦D74 | |
♣D87 |
Árið 1929 setti Theodore Lightner á blað hugmyndir sínar um útspilsdobl á slemmum. Tilgangur doblsins er að segja makker að þörf sé á „óvenjulegu“ útspili; að doblarinn lumi á eyðu og sé að leita eftir stungu. En ekki er alltaf einfalt að hitta á eyðulitinn. Spil dagsins kom upp í parsveitakeppni BSÍ. Slemma var víða spiluð og vannst oft eftir lokaðar sagnir. Á einum stað vakti suður á 1♠ og norður stökk beint í 6♠, sem austur doblaði. Kom þá til kasta vesturs að hitta á útspilið. Flestir eru fastir í þeirri hugsun að koma út í lengsta lit í slíkum stöðum, sem ekki er gott hér. Eftiráspekingar töldu hins vegar tígulútspil „augljóst“, því til að réttlæta stökk í 6♠ þurfi norður sjálfspilandi láglit (tígul) og eyðu til hliðar (hjarta).