Allt fyrir skólann

Þegar sest er á skólabekk þarf ýmislegt að hafa við höndina svo sem glósubækur, pennaveski og allt sem ofan í það þarf að fara. Litríkir hlutir gleðja gjarnan auga yngstu kynslóðarinnar og fyrsta skóladaginn er nóg að gera við að skoða dótið hjá skólasystkinunum. Tískan fer í hringi hvað varðar slíka hluti eins og aðra en að sjálfsögðu er mikilvægast að hvert barn velji sér það sem því finnst fallegast. Skólataskan þarf að passa vel á bakið og síðan má ekki gleyma nestisboxinu, pennaveskinu og að sjálfsögðu hlutum eins og litum, strokleðri og yddara. maria@mbl.is