Brids - Guðmundur Páll Arnarson | ritstjorn@mbl.is

Oddur baldni.

Ein er sú varnarregla sem á misjöfnu fylgi að fagna meðal keppnisspilara, kölluð „oddball“ af Terence Reese. Íslenskir spilarar gætu talað um „Odd inn baldna“. Spil dagsins er úr Spingold-leik Jacobs og Schermer. Þrjú grönd voru spiluð á báðum borðum eftir lokaðar sagnir og útspilið var smár spaði á gosa austurs og kóng suðurs. Sagnhafi spilaði laufi á ás og tók misheppnaða tígulsvíningu. Nú skipti annar vesturspilarinn yfir í hjarta, en hinn hitti á að spila spaða.

Hvernig kemur „oddball“ hér við sögu? Ef til vill þannig: Samkvæmt reglunni sýnir há fylgja í lit sagnhafa í slag tvö áhuga í útspilslitnum. Hvorugur austurmaðurinn tímdi laufgosanum (skiljanlega) og því túlkaði annar vesturspilarinn ♦7 síðar kom sem hjartakall (og ♣4 sem spaðafrávísun).