Brids - Guðmundur Páll Arnarson | ritstjorn@mbl.is

Eftirmæli.

Eftirmæli Helenar Sobel (1910-1969) í alfræðiriti bridsmanna eru ekki af lakara taginu, en þar segir að hún sé „almennt álitin besta bridskona allra tíma“. Nú, jæja. Hvað sem síðar verður þá er ljóst af ýmsum dæmum að Sobel var með betri spilurum. Hún var í suður í spilinu að ofan. Vestur vakti á 1♥, Sobel doblaði, sagði svo 2G við 2♦ norðurs, sem aftur lyfti í 3G. Lauftvistur út, fjórða hæsta.

Eftir skamma skoðun á blindum spilaði Sobel smáum spaða í öðrum slag. Hún hafði reiknað út að austur ætti ♠ÁK tvíspil. Hvernig þá? Jú, austur hlaut að vera með bæði háspilin fyrir opnun sinni, en tvílitinn taldi hún sannast af útspili vesturs – fjórða hæsta laufinu. Úr því að vestur átti ekki lengri lit hlaut skipting hans að vera 4-1-4-4.