Brids - Guðmundur Páll Arnarson | ritstjorn@mbl.is

Hávær þögn.

Sem gjafari opnar suður á 1♦, fær svar á 1♠, segir 1G og norður hækkar í 3G. Blátt áfram sagnir og útspilið er ♥8 – fjórða hæsta. Sagnhafi reynir gosann og hann heldur.

Víst er freistandi að fara strax í spaðann, enda spilið öruggt ef ♠Á er í vestur. En þá ber að hafa í huga að vestur sagði EKKI 1♥ við tígulopnuninni. Sú þögn hans er æpandi. Með ♠Á til hliðar við góðan fimmlit í hjarta hefði vestur vafalítið stungið inn sögn. Og varla er útspilið frá fjórlit, því ÁD98 eða ÁD108 eru ekki litir sem þarf að fría.

Að svo mæltu er vinningsleiðin næstum þvinguð. Sagnhafi svínar fyrir ♣D og spilar svo ♦G úr borði. Þannig má ráða við drottningu fjórðu í austur ef einspil vesturs er ♦8 eða ♦9.