28. desember 1871 Skólapiltar í Reykjavík sýndu leikritið Nýársnóttina eftir Indriða Einarsson í fyrsta sinn. Leikritið var síðar sýnt við vígslu Þjóðleikhússins. 28. desember 1894 Ofsaveður gerði af vestri með allmiklum skaða.
28. desember 1871
Skólapiltar í Reykjavík sýndu leikritið Nýársnóttina eftir Indriða Einarsson í fyrsta sinn. Leikritið var síðar sýnt við vígslu Þjóðleikhússins.
28. desember 1894
Ofsaveður gerði af vestri með allmiklum skaða. Mikið sjávarflóð og hafrót var í Reykjavík, sjór gekk upp í Hafnarstræti og skemmdir urðu á húsum og skipum. Loftþrýstingur féll um meira en 60 millibör á einum sólarhring, sem er sjaldgæft.
28. desember 1964
Samgöngutruflanir urðu á höfuðborgarsvæðinu vegna snjókomu og hvassviðris. Lögreglan taldi þetta versta ástandið í mörg ár. Daginn eftir urðu sextíu ökumenn að yfirgefa bíla sína á leiðinni milli Reykjavíkur og Hafnarfjarðar.
28. desember 1967
Borgarspítalinn í Fossvogi var tekinn í notkun þegar fyrsti sjúklingurinn var lagður inn á lyfjadeildina. Skurðdeild var opnuð árið eftir.Dagar Íslands | Jónas Ragnarsson.