Danir drekka minna af öli.
Danir drekka minna af öli.
ENN dró úr bjórsölu í Danmörku á árinu sem er að líða og var hún um 8% minni en í fyrra. Sala á bjór hefur minnkað umtalsvert undanfarin ár, að sögn vefjarins Business.dk . Brugghúsin gátu þó huggað sig við aukna drykkju á sérlöguðu öli.

ENN dró úr bjórsölu í Danmörku á árinu sem er að líða og var hún um 8% minni en í fyrra. Sala á bjór hefur minnkað umtalsvert undanfarin ár, að sögn vefjarins Business.dk . Brugghúsin gátu þó huggað sig við aukna drykkju á sérlöguðu öli.

Síðastliðið sumar var sólríkt í Danmörku. Það hefði að öllu óbreyttu átt að ýta undir ölþamb en þrátt fyrir sólríkjuna dró úr ölsölunni. Alls hefur bjórsalan minnkað um 28% í lítrum talið frá árinu 2000 og undanfarin þrjú ár hefur sala öls í Danmörku minnkað um 15%.

Í frétt Business.dk kemur fram að áfengisneysla virðist vera að færast úr öli yfir í léttvín. Einnig hefur dregið mikið úr öldrykkju á dönskum vinnustöðum.