1 Ísland og Noregur gerðu jafntefli, 1:1, í hörkuleik í undankeppni heimsmeistaramótsins í knattspyrnu karla á Laugardalsvelli 5. september, en íslenska liðið var mun sterkari aðilinn.
Hver skoraði mark Íslands?
*a) Eiður Smári Guðjohnsen
*b) Heiðar Helguson
*c) Veigar Páll Gunnarsson
*d) Emil Hallfreðsson
2 Íraskur blaðamaður fékk þriggja ára fangelsisdóm í mars fyrir að móðga George W. Bush, þáverandi Bandaríkjaforseta, árið 2008.
Hvað gerði maðurinn af sér?
* a) Sneri berum afturendanum að Bush í þingsal
*b) Fleygði skónum sínum að Bush
*c) Sagði í blaðagrein að Bush væri liðónýtur kúreki
*d) Nefndi grís í höfuðið á Bush
3 Leikfélag Kvennaskólans í Reykjavík, Fúría, setti upp leikrit sem olli deilum.
Hvað hét það?
*a) Pínku píkuleikrit
*b) Karlaskammir
*c) Kvenhetjur
*d) Fallið
4 Hver sendi frá sér mannasiðabók fyrir jólin?
*a) Geir Ólafsson
*b) Bergþór Pálsson
* c) Egill, Gillzenegger, Einarsson
*d) Páll Óskar Hjálmtýsson
5 Íslensku knattspyrnumennirnir Gunnleifur Gunnleifsson, Guðmundur Steinarsson og Stefán Þór Þórðarson léku fyrri hluta ársins með Vaduz í svissnesku A-deildinni.
Vaduz er samt ekki frá Sviss en frá hvaða landi er félagið?
*a) Þýskalandi
*b) Austurríki
*c) Liechtenstein
*d) Ítalíu
6 Bandaríski poppsöngvarinn Michael Jackson dó í júní, að sögn vegna hjartaáfalls.
Hvað varð hann gamall?
*a) 50 ára
*b) 39 ára
*c) 45 ára
*d) 40 ára
7 Mikilvæg stofnun lokaði útibúi sínu í Flatey á Breiðafirði í sparnaðarskyni.
Hvaða stofnun?
*a) Glitnir
*b) Embætti ríkisskattstjóra
*c) Bifreiðaeftirlitið
*d) Íslandspóstur
8 16 ára stelpa sendi frá sér skáldsöguna Galdrasteinn fyrir jólin.
Hvað heitir rithöfundurinn ungi?
*a) Hanna Birna Halldórsdóttir
*b) Harpa Dís Hákonardóttir
*c) Dís Hannesdóttir
*d) Viktoría Mjöll Aronsdóttir
9 Samtök íslenskra tölvuleikjaframleiðenda voru stofnuð á árinu og bera enskt heiti.
Hvert er heiti samtakanna?
*a) Icelandic Game Companies
*b) Icelandic Computer Games
* c) Association of Icelandic Gaming
*d) Icelandic Gaming Industry
10 Þrír íslenskir landsliðsmenn spila með einu af sterkustu handboltaliðum Þýskalands.
Hvaða lið er það?
*a) Kiel
*b) Lemgo
*c) Gummersbach
*d) Rhein-Neckar Löwen
11 Ákveðið var í desember að fjölga um 30.000 manns í herliði Bandaríkjanna í Afganistan.
Hvað heitir öflugasta uppreisnarhreyfingin í Afganistan?
*a) Talíbanar
*b) Tamíl-tígrar
*c) Mongólar
*d) Úsbekar
12 Erlent fyrirtæki keypti á árinu stóran hlut í HS Orku.
Hvað heitir það?
*a) Multinational United
*b) Magma Energy
*c) Venture Industries
*d) Umbrella Corporation
13 Pascal Pinon er:
*a) Bíómynd
*b) Hljómsveit
*c) Jógúrttegund
*d) Snyrtivörulína
14 Merki skyndibitakeðjunnar McDonald's hvarf héðan af landi á árinu.
Hvað vörumerki tók við?
*a) Metro
*b) Motor
*c) Marco
*d) Polo
15 Guðmundur E. Stephensen varð Íslandsmeistari karla í borðtennis 16. árið í röð. Hann samdi seint á árinu við sænskt úrvalsdeildarlið.
Hvað heitir það?
*a) Warta
*b) Djurgården
*c) Malmö
*d) Eslövs
16 Kolkrabbar í Asíu reyndust vera þróaðri en menn höfðu talið og birtust af þeim myndir í desember sem sönnuðu það.
Hvaða snilld sýndu þeir?
* a) Stálu mat úr lest frystitogara
*b) Drápu hákarl með því að troða grjóti í tálknopin
*c) Gerðu sér skýli úr kókoshnetuskurn
*d) Ræktuðu ýsuseiði í ryðguðu fuglabúri á hafsbotni
17 Sagt var í sumar frá óvenjulegum gæludýrum skálavarða í Langadal í Þórsmörk.
Hvaða dýrum?
*a) Risakóngulóm
*b) Minkum
*c) Yrðlingum
*d) Moskusuxum
18 Hvaða hljómsveit vann Músíktilraunir í ár?
*a) Spelkur
*b) Agent Fresco
*c) Greifarnir
*d) Bróðir Svartúlfs
19 Hvað mun íslenska ríkið eiga stóran hlut í Nýja Landsbankanum eftir endurskipulagningu?
*a) 60%
*b) 70%
*c) 80%
*d) 93%
20 Íslenskur knattspyrnumaður lék á árinu sinn 300. leik í ensku úrvalsdeildinni.
Hver er það?
*a) Grétar Rafn Steinsson
*b) Hermann Hreiðarsson
*c) Ívar Ingimarsson
*d) Brynjar Björn Gunnarsson
21 Ný farþegaþota Boeing-verksmiðjanna í Bandaríkjunum fór í sitt fyrsta reynsluflug í desember.
Hvað heitir vélin?
*a) Darthvader
*b) Skymaster
*c) Airbuster
*d) Dreamliner
22 Jón Gunnar Benjamínsson fór í langferð á fjórhjóli frá Mývatni yfir hálendið suður til Þingvalla og loks til Reykjavíkur.
Hvað var það í fari Jóns sem vakti einkum athygli fjölmiðla?
* a) Hann er 228 cm á hæð
*b) Hann klæddist eingöngu sundskýlu alla ferðina
* c) Hann er lamaður fyrir neðan mitti
*d) Hann villtist aldrei í ferðinni
23 Hvað heitir nýjasta plata Hjaltalín?
*a) Högni
*b) Suitcase Man
*c) Terminal
*d) Þú komst við hjartað í mér
24 Jón Arnór Stefánsson körfuboltamaður slasaðist illa í baki í október 2009, rétt áður en hann átti að hefja tímabilið með nýju liði á Spáni. Honum tókst að vinna bug á meiðslunum á mettíma og spilaði fyrsta leikinn með liðinu í desember.
Hvað heitir það?
*a) Estudiantes
*b) Barcelona
*c) Granada
*d) Málaga
25 Íbúar í Evrópulandi ákváðu í nóvember að banna múslímum í landinu að reisa fleiri bænaturna, öðru nafni mínarettur, við moskur sínar.
Hvaða Evrópulandi?
*a) Svíþjóð
*b) Sviss
*c) Slóveníu
*d) Hollandi
26 Íslenskt áhugamannafélag um eldflaugar skaut upp flaug sem gæti náð allt að þriggja km hæð.
Eldsneytið var blanda tveggja efna, annað var saltpétur en hvað var hitt?
*a) Brennisteinn
*b) Sykur
*c) Mjólk
*d) Þvag
27 Íslenskur myndlistar- og tónlistarmaður var fulltrúi þjóðarinnar á Feneyjatvíæringnum og málaði þar nýja mynd af sama manninum á hverjum degi í hálft ár.
Listamaðurinn heitir:
*a) Sverrir Stormsker
*b) Gylfi Ægisson
*c) Stefán Hilmarsson
*d) Ragnar Kjartansson
28 Íslensk handknattleikskona gekk til liðs við norskt úrvalsdeildarlið í nóvember 2009.
Hver er það?
*a) Rakel Dögg Bragadóttir
*b) Rut Jónsdóttir
*c) Anna Úrsúla Guðmundsdóttir
*d) Hrafnhildur Skúladóttir
29 Margir urðu hræddir í desember um að ný heimskreppa væri að skella á þegar Dúbaí varð að fresta afborgunum að 26 þúsund milljón dollara láni um hálft ár.
Hvar er Dúbaíi?
*a) Við Persaflóa
*b) Við Gulahaf
*c) Á Karíbahafi
*d) Á Suður-Kyrrahafi
30 „Allir voru rauðir í framan af reiði vegna afskiptasemi Fjármálaeftirlitsins,“ sagði lögfræðingur hjá FME um reynslu sína fyrir hrunið.
Hverjum var hún að lýsa?
*a) Ráðamönnum Seðlabankans
*b) Ráðherrum í ríkisstjórninni
* c) Yfirmönnum og lögfræðingum Seðlabanka Evrópu
*d) Yfirmönnum og lögfræðingum íslensku bankanna
31 Á dögunum kom út ævisaga íslensks rithöfundar sem var drepinn á heimili sínu í Reykholti árið 1241.
Rithöfundurinn hét:
*a) Ásta Sigurðardóttir
*b) Snorri Sturluson
*c) Halldór Laxness
*d) Huldar Breiðfjörð
32 Hver varð Íslandsmeistari kvenna í badminton árið 2009?
*a) Ragna Ingólfsdóttir
*b) Tinna Helgadóttir
*c) Snjólaug Jóhannsdóttir
*d) Brynja Pétursdóttir
33 Þess var minnst í júlí að 40 ár voru frá því að maður steig fyrst fæti sínum á tunglið.
Hvað heitir hann?
*a) Júrí Gagarín
*b) Gary Sinise
*c) Edwin Aldrin
*d) Neil Armstrong
34 Safnað var í Reykjavík fyrir grip sem lengi var í uppáhaldi hjá börnum sem sóttu Vesturbæjarlaugina en var fjarlægður 1985.
Hvaða grip?
*a) Tömdum svani
*b) Fiskabúri
*c) Gúmmíbáti
*d) Háþrýstislöngu
35 Þekktur skopmyndateiknari gaf út bókina 1001 Okkur fyrir jólin. Bókin geymir 1001 teikningu eftir hann.
Hvað heitir þessi teiknari?
*a) Hugleikur Dagsson
*b) Halldór Baldursson
*c) Hallgrímur Helgason
*d) Lóa Hlín Hjálmtýsdóttir
36 Íslensk frjálsíþróttakona var á góðri leið með að verða Evrópumeistari unglinga í júlí 2009 þegar hún meiddist og varð að hætta keppni.
Hver var það?
* a) Ásdís Hjálmsdóttir
*b) Jóhanna Ingadóttir
*c) Hafdís Sigurðardóttir
*d) Helga Margrét Þorsteinsdóttir
37 Barack Obama tók við embætti forseta í Bandaríkjunum í janúar.
Frá hvað landi var faðir hans?
*a) Gana
*b) Kenýa
*c) Indlandi
*d) Bandaríkjunum
38 Eldur varð laus í Höfða í Reykjavík og tók borgarstjórinn þátt í því að bjarga verðmætum munum úr húsinu.
Hvað heitir borgarstjórinn?
*a) Dagur B. Eggertsson
*b) Ólafur F. Magnússon
*c) Hanna Birna Kristjánsdóttir
*d) Bríet Bjarnhéðinsdóttir
39 Vinsæl gamanmynd var sýnd í bíó á árinu sem segir af steggjateiti sem fer gjörsamlega úr böndunum.
Hvað heitir myndin?
*a) The Timbermen
*b) The Hangover
*c) The Trip to Las Vegas
*d) The Blunder
41 Nemendum Menntaskólans í Hamrahlíð var boðið upp á morgunverð sem talið var að gæti dregið úr morgunsleni.
Hvaða rétt?
*a) Koníakslegin svínarif
*b) Kæstan hákarl
*c) Hafragraut
*d) Þrumara
Verðlaun
1. Þvílík vika eftir Guðmund Brynjólfsson (útgefandi Forlagið)
2. Þjófadrengurinn Lee Raven eftir Zizou Corder (útgefandi Bjartur)
3. Nýtt tungl eftir Stephenie Meyer (útgefandi Forlagið)
Svör sendist í Hádegismóa 2, 110 Reykjavík, merkt Morgunblaðið, Unglingagetraun. Skilafrestur til 11. janúar 2010
Nafn:.........................................................................
Aldur.........................................................................
Heimili:......................................................................
Staður........................................................................
Sími...........................................................................