ÞÝSKUR tölvunarfræðingur, Karsten Nohl, hefur birt upplýsingar um dulkóða sem er notaður til að vernda símtöl rúmlega fjögurra milljarða farsímanotenda um allan heim.
Nohl vann í nokkra mánuði með hópi sérfræðinga að því að leysa algrím sem notast er við í GSM-tækni til að dulkóða samtöl, að því er fram kemur á fréttavef BBC . GSM er algengasti staðall farsímakerfa um allan heim.
Vinna Nohl og félaga hans mun fræðilega séð gera öllum kleift, heiðarlegum sem óheiðarlegum, að hlera símtöl. Nohl sagði á Chaos Communication-ráðstefnunni í Berlín að þetta sýndi fram á að GSM-öryggi væri óviðunandi. kjon@mbl.is