Brids - Guðmundur Páll Arnarson | ritstjorn@mbl.is

Forvitni.

Með opnunarstyrk og tilskilda lengd í spaða gerði suður það sem kerfið bauð – opnaði á 1♠. Þetta var fyrsta spil í jólatvímenningi BR. Besta svar norðurs er vafalítið 2G í merkingunni slemmuáhugi í spaða, en sá norður sem hér um ræðir er hrekkjalómur og sagði 2♣ í útspilsfælandi tilgangi. Kom þá óvænt hljóð úr austri, sem stökk í 4♥. Pass til norðurs. „Það verður að gera fleira en gott þykir,“ hugsaði norður og sagði 5♠ – áskorun. En suður treysti sér ekki hærra.

Vestur var forvitinn um sagnir: „Eru 5♠ spurning um trompið?“

„Ég vona ekki,“ svaraði suður.

Út kom hjarta upp á ás og ♣8 í öðrum slag. Sagnhafi drap á ásinn tók ♠Á-K og spilaði laufi á drottningu. Vestur drap strax og lenti þá óhjákvæmilega í láglitaþvingun í lokin.