Eftir Kristján Jónsson í Eistlandi
kris@mbl.is
ÍSLENSKA landsliðið í íshokkí karla er í hópi strandaglópa á meginlandi Evrópu af völdum eldgossins í Eyjafjallajökli.
Íslenska liðið lauk keppni á HM í Narva í Eistlandi í gær og átti að fljúga eldsnemma í morgun frá Tallinn til Kaupmannahafnar og þaðan heim til Íslands í dag.
Rútuferð frá Narva til Tallinn var slegið á frest seint í gærkvöld þegar ljóst varð að ekkert yrði af morgunflugi og í staðinn var ekið til höfuðborgarinnar í morgun.
Þar mun liðið bíða eftir því sem verða vill með flugið þaðan.
Ísland fékk bronsverðlaunin í 2. deildinni á HM eftir sigur, 6:2, gegn Ísrael í gær en liðið náði sínum besta árangri á mótinu frá upphafi.
Emil Alengaard, sem skoraði fjögur mörk í leiknum var útnefndur besti leikmaður Íslands á mótinu en leikmenn frá Eistlandi voru valdir í allar stööur í úrvalsliði mótsins. Eistland burstaði Rúmeníu, 7:1, í úrslitaleik og vann sér sæti í 1. deild en Ísrael féll niður í 3. deild. | 4