Brids - Guðmundur Páll Arnarson | ritstjorn@mbl.is

Ferstur er á illu bestur.

Suður spilar 3G.

Sú úrspilstækni að fresta því að taka slag til að rjúfa samgang hefur sérstakt viðhafnarheiti á ensku – „hold-up play“. Íslenskir spilarar hafa ekki valið þessu bragði nafn við hæfi, en hugsanlega mætti notast við orðið „biðbragð“. Reyndar er það ekki sérlega bragðmikið heiti, en fyrirbærið sem um ræðir er það svo sem ekki heldur.

Biðbragð er til í ýmsum myndum. Einfaldasta birtingarformið er þegar sagnhafi dúkkar með ás þriðja á móti tveimur eða þremur hundum. Dæmið að ofan er svolítið flóknara. Hvernig á að spila með litlu hjarta út?

Ef útspilið er frá fimmlit getur verið nauðsynlegt að gefa austri fyrsta slaginn. Með því móti nýtist ekki innkoma austurs á ♦Á til að spila hjarta og sagnhafi nær að fría tígulinn áður en vörnin losar um hjartað.