Brids - Guðmundur Páll Arnarson | ritstjorn@mbl.is

Fölsun.

Suður spilar 4♠.

Fölsun getur verið svo fagmannlega unnin að hún tekur fyrirmyndinni fram. Í spili dagsins hirðir vörnin strax tvo slagi á hjarta, en síðan skiptir vestur yfir í ♦10 í þriðja slag. Sagnhafi drepur, spilar trompi til vesturs, sem aftur kemur með tígul. Hvað nú?

Einhvern veginn verður að þvinga austur í láglitunum. Raunveruleg kastþröng gengur ekki upp nema austur eigi fimmlit í laufi, en með blekkingu gæti fjórlitur dugað. Spilamennska sagnhafa er bæði ósvífin og fögur. Hann leggur niður laufásinn áður en hann rennir trompunum. Sé austur mannlegur mun hann henda frá sér tígulvaldinu í von um ♦8 hjá makker sínum, endar reiknar hann ekki með að sagnhafi slíti sig viljandi frá ♣K í borðinu.

Þetta er „gúmmískvís“ í hæsta gæðaflokki.