Velvakandi

Sammála

ÉG tek undir með konunni sem skrifaði í Velvakanda 20. apríl um ýmis góð lyf sem voru til í apótekum og fást ekki lengur. Þetta reyndist mér og mínum vel og mætti svo sannarlega koma í sölu aftur.

Eldri borgarar

ANSANS klúður er á greiðslum til okkar eldri borgara. Ég borgaði í Lífeyrissjóð verslunarmanna frá 1969, svo á TR að borga á móti, en þeim tókst að taka af mér 5.000 kr. á mánuði.

Við vitum að kvennakaup er lægra, og þar situr eftir steinninn, hvað varðar lífeyri.

Ég hef nú verið að berjast við líkþorn, en að fjarlægja það kostar 6.000 krónur, og um daginn skar ég líkþornið af, situr vont sár eftir.

Hvað varðar klippingu eru ráðin dýr. Lyfin okkar gera út af við launin og að reka bíl líka af 160 þúsund krónum á mánuði gengur ekki upp.

Ef á að lækka lífeyrisgreiðslur til okkar, þá erum við ráðþrota.