Inarritu og Bardem Aðeins verið að þukla.
Inarritu og Bardem Aðeins verið að þukla.
Binoche Felldi tár fyrir Panahi.
Wilson Kyssti Xavier Beauvois leikstjóra og leikkonuna Sabrinu Ouazani.
Ull Leikstjórinn Stephen Frears.
Myndefni Ónefnd leikkona á dregli.
Aðeins að snerta Wilson lét sér ekki nægja að kyssa Ouazani.
[ Smellið til að sjá stærri mynd ]
Nokkrar af skærustu stjörnum kvikmyndaheimsins hafa verið í miklu stuði á rauða dreglinum á kvikmyndahátíðinni í Cannes sem hófst 12. maí sl. Sumar hafa gerst fjölþreifnar og vart getað hamið sig í kossalátum.

Nokkrar af skærustu stjörnum kvikmyndaheimsins hafa verið í miklu stuði á rauða dreglinum á kvikmyndahátíðinni í Cannes sem hófst 12. maí sl. Sumar hafa gerst fjölþreifnar og vart getað hamið sig í kossalátum. Franski leikarinn Lambert Wilson hefur verið einna ákafastur í blíðuhótunum, ef marka má ljósmyndavef Reuters, sem hefur að geyma fjölda mynda af Wilson að kyssa vini sína í Cannes og þreifa á þjóhnöppum. Þá voru félagarnir Javier Bardem og Alejandro Gonzalez Inarritu í miklu stuði á dreglinum og kysstust innilega eins og sönnum karlmönnum sæmir á tímum „metrósexúalismans“. Bardem leikur í nýjustu mynd Inarritu, Biutiful , sem þykir afar sigurstrangleg í keppninni um Gullpálmann.

Grét út af hungurverkfalli

En Cannes er ekki eintómur glaumur og gleði. Leikkonan Juliette Binoche brast í grát á blaðamannafundi sem haldinn var vegna kvikmyndar sem hún leikur í, Copie Conforme , þegar hún frétti af því að íranskur kvikmyndagerðarmaður, Jafar Panahi, sem var handtekinn í mars fyrir ónefndar sakir og stungið í fangelsi, væri farinn í hungurverkfall. Pahani var viðstaddur tökur á Copie Conforme í nokkra daga og þar kynntist Binoche honum. Panahi hefur verið gagnrýninn á stjórnvöld í Íran en honum hafði verið boðið sæti í dómnefnd aðalkeppninnar í Cannes, sem ákveður hvaða mynd skuli hljóta Gullpálmann. Leikstjórarnir Steven Spielberg og Martin Scorsese eru meðal þeirra sem hafa farið fram á að honum verði sleppt úr haldi.

Panahi hefur á ferli sínum m.a. hlotið Gullljónið, aðalverðlaun kvikmyndahátíðarinnar í Feneyjum, og Camera d'Or-verðlaunin á Cannes og er einn þekktasti kvikmyndagerðarmaður Írans.

Abbas Kiarostami, leikstjóri Copie Conforme, sagði á blaðamannafundinum að með handtöku Panahi væri verið að ráðast á listina í heild sinni. Og Ísland hefur sett sitt mark á Cannes, nánar tiltekið gosið í Eyjafjallajökli og öskuskýin sem því fylgja. Sharon Stone komst t.d. ekki á góðgerðarkvöldverð Amfar, samtaka sem helga sig baráttunni gegn útbreiðslu HIV-veirunnar, en hún átti að vera veislustjóri í því teiti. helgisnaer@mbl.is