Þýskaland Söngkonan Lena Meyer-Landrut, sem jafnan er kölluð Lena, syngur lagið „Satellite“ eftir Julie Frost og John Gordon. Hún verður rétt orðin nítján ára þegar hún stígur á sviðið í Ósló og lauk stúdentsprófi í miðjum æfingum fyrir keppnina. Hún var óþekkt þegar hún birtist í undankeppninni þýsku en heillaði svo áheyrendur að lagið setti niðurhalsmet strax eftir keppnina.
Þýskaland Söngkonan Lena Meyer-Landrut, sem jafnan er kölluð Lena, syngur lagið „Satellite“ eftir Julie Frost og John Gordon. Hún verður rétt orðin nítján ára þegar hún stígur á sviðið í Ósló og lauk stúdentsprófi í miðjum æfingum fyrir keppnina. Hún var óþekkt þegar hún birtist í undankeppninni þýsku en heillaði svo áheyrendur að lagið setti niðurhalsmet strax eftir keppnina.
Spánn Í fyrra voru liðin fjörutíu ár frá því Spánverjar hömpuðu sigri í Evróvisjón og þar í landi gera menn sér vonir um að valsinn sem Daniel Diges syngur, „Algo Pequeñito“, nái góðum árangri, enda er Diges þrautreyndur skemmtikraftur, leikari og söngvari. Jesús Cañadilla í samvinnu við Luis Miguel de la Varga, Alberto Jodar og Diges sjálfan.
Noregur Norski söngvarinn Alexander Rybak setti stigamet þegar hann söng Noreg til sigurs í síðustu Evróvisjónkeppni. Það er ólíklegt að Didrik Solli-Tangen nái að jafna það, nú eða gera betur, en hann syngur lagið „My Heart Is Yours“ eftir Hanne Sørvaag og Fredrik Kempe. Hanne Sørvaag er norsk söngkona og lagasmiður og samdi til að mynda við þriðja mann lagið „Disappear“ sem var framlag Þjóðverja í þarsíðustu Evróvisjónkeppni. „My Heart Is Yours“ sigraði með yfirburðum í undankeppninni í Noregi; fékk tvöfalt fleiri atkvæði en lagið í öðru sæti.
Bretland Í síðustu Evróvisjón lögðu Bretar mikið á sig og náðu góðum árangri; fóru frá því að vera á botninum eða með neðstu löndum sex ár í röð og komust í fimmta sæti með lag eftir Andrew Lloyd Webber. Nú er annar þaulreyndur kallaður til, því einn höfunda lagsins „That Sounds Good to Me“, sem Josh Dubovie syngur, er Pete Waterman. Dubovie er bráðungur, ekki nema nítján ára gamall, og lítt þekkur í Bretlandi. Þess má geta að skömmu áður en hann sigraði í undankeppninni í Bretlandi var honum neitað um þátttöku í X Factor-keppninni og eins komst hann ekki að í Britain's Got Talent.
Frakkland Hjartaknúsarinn Jessy Matador syngur sumarlagið „Allez Ola Olé“ fyrir Frakka. Höfundar lagsins eru H. Ducamin og J. Ballue. Jessy Matador sló í gegn sem dansari fyrir átta árum með dansflokknum Les Coeurs Brisés, en sló svo í gegn sem söngvari fyrir tveimur árum.
[ Smellið til að sjá stærri mynd ]
Sigurvegari síðustu Evróvisjón fær sjálfkrafa sæti í úrslitum næstu keppni og því eru Norðmenn þar. Þær fjórar þjóðir sem borga mest til EBU, sambands evrópskra sjónvarpsstöðva, Bretland, Þýskaland, Spánn og Frakkland, fara síðan sjálfkrafa í úrslit.
Sigurvegari síðustu Evróvisjón fær sjálfkrafa sæti í úrslitum næstu keppni og því eru Norðmenn þar. Þær fjórar þjóðir sem borga mest til EBU, sambands evrópskra sjónvarpsstöðva, Bretland, Þýskaland, Spánn og Frakkland, fara síðan sjálfkrafa í úrslit. Frakkar og Bretar hafa fimm sinnum sigrað í Evróvisjón, Norðmenn þrívegis, Spánverjar tvisvar og Þjóðverjar einu sinni.