Augnaskart Auk Jolie hefur gleraugnastílistinn Bósi unnið með Elton John.
Augnaskart Auk Jolie hefur gleraugnastílistinn Bósi unnið með Elton John. — Reuters
Hin nafntogaða listakona Þrúðveig Sæmundsdóttir hélt blaðamannafund á dögunum ásamt Bósa Guðrúnarsyni, pípulagningamanni og sérlegum gleraugnastílista Evu Jolie.

Hin nafntogaða listakona Þrúðveig Sæmundsdóttir hélt blaðamannafund á dögunum ásamt Bósa Guðrúnarsyni, pípulagningamanni og sérlegum gleraugnastílista Evu Jolie. Þau Þrúðveig og Bósi vöktu á fundinum athygli á að hugsanlega rennur stærstur hluti þess gjaldeyrisarðs sem kemur til vegna sölu á íslenskri tónlist á alþjóðamörkuðum beint til erlendra, og þar af leiðandi vondra, stórfyrirtækja og þeirra íslensku tónlistarmanna sem hafa kosið að borga skatta sína annars staðar en hér á Fróni.

Þrúðveig og Bósi voru ómyrk í máli og sögðu hættu á því að arðurinn af þeirri „náttúruauðlind“ sem íslensk tónlist er rynni eingöngu til erlends auðvalds og þar af leiðandi nyti almenningur ekki góðs af þessari merku auðlind sinni. Vilja þau að stjórnvöld komi í veg fyrir sölu á íslenskri tónlist erlendis og að þau boði til þjóðaratkvæðagreiðslu um eignarhald á tónlistarauðlindinni og nýtingu hennar. Í lok fundarins söng Þrúðveig nokkur af sínum þekktustu lögum. Lögin Margæsirnar sofa og Ein í torfkofa voru þeirra á meðal. Að því loknu gekk Þrúðveig úr fundarsalnum við mikinn fögnuð nærstaddra.