Gull Verð á gulli hækkar stöðugt.
Gull Verð á gulli hækkar stöðugt.
Verð á gulli og silfri hélt áfram að hækka á heimsmarkaði í gær. Fór gullverð í 1.314 dali á únsuna og silfur í 22 dali. Hefur silfurverð ekki verið hærra síðan árið 1980. Ástæðan fyrir þessum hækkunum er, sem áður, áhyggjur fjárfesta af gengi dalsins.

Verð á gulli og silfri hélt áfram að hækka á heimsmarkaði í gær. Fór gullverð í 1.314 dali á únsuna og silfur í 22 dali. Hefur silfurverð ekki verið hærra síðan árið 1980.

Ástæðan fyrir þessum hækkunum er, sem áður, áhyggjur fjárfesta af gengi dalsins. Gull, silfur og margar aðrar hrávörur eru verðlagðar í dollurum og eru því góð leið til að verja fé fyrir gengisfalli. Gengi dalsins mælt gagnvart körfu nokkurra erlendra mynta hefur ekki verið lægra síðan í janúar en margir óttast að bandaríski seðlabankinn ætli að liðka enn frekar um peningastefnu sína. Þýðir það í raun peningaprentun og gengisfall. bjarni@mbl.is