Áður Jim Carrey og McCarthy.
Áður Jim Carrey og McCarthy. — Reuters
Leikkonan Jenny McCarthy sendi nýverið frá sér bókina Love, Lust and Faking It: The Naked Truth About Sex, Lies and True Romance og þótt líf hennar sé vanalega eins og opin bók kemur ekkert fram í hinni nýju bók um skilnað hennar og leikarans Jim...

Leikkonan Jenny McCarthy sendi nýverið frá sér bókina Love, Lust and Faking It: The Naked Truth About Sex, Lies and True Romance og þótt líf hennar sé vanalega eins og opin bók kemur ekkert fram í hinni nýju bók um skilnað hennar og leikarans Jim Carrey.

„Ég verð að virða einkalíf hans, það voru brostin hjörtu báðum megin,“ sagði McCarthy um ástæðu þess að hún fjallar ekkert um hið fimm ára samband í bókinni. Hún lætur þó í ljós að hún hafi lært margt af ástarævintýrinu. „Það sem ég lærði af sambandinu var mikið um að elska sjálfan sig. Það snýst um að vera hamingjusamur,“ segir McCarthy en hún og Carrey hættu saman fyrr á árinu. Hún er nú með fyrrum líkamsræktarfyrirsætunni Jason Toohey.