Flottir Breska liðið mætti í sínu fínasta pússi til leiks í Leatherhead í Surrey árið 1935.
Flottir Breska liðið mætti í sínu fínasta pússi til leiks í Leatherhead í Surrey árið 1935. — Getty Images
Virðulegir Breska liðið stillti sér upp með golfsettin við höndina árið 1965 í Lancashire.
Hattar Árið er 1969 og lið Evrópubúa er enn bara lið Breta og Íra. Keppnin fór fram á Englandi og lið heimamanna og nærsveitunga klæddist þessum forlátu höttum.
Köflótt Kylfingar Bandaríska liðsins árið 1983 voru sumarlegir á Flórída í bláum buxum og grænbláum jökkum. Það má deila um hvort klæðnaðurinn hafi staðist tímans tönn.
Rammar Bandaríska liðið klæddist árið 1999 skyrtum sem hafa skráð sig á spjöld sögunnar sem þær ljótustu frá upphafi. David Duval virðist þó sáttur.
Fjólublá Það eru skiptar skoðanir um fegurð þessarar peysu.
Foringinn Fyrirliðinn Corey Pavin er vel merktur í bak og fyrir.
Röndóttir Lið Evrópubúa klæddist þessum röndóttu bolum við keppnina árið 1985. Þeir báru sigurorð af Bandaríkjamönnum, hvort sem það var klæðnaðinum að þakka eður ei.
Smart Það voru ekki bara röndóttir bolir sem sigurvegararnir klæddust árið 1985 heldur var þessi rauði og blái búningur einnig notaður. Buxurnar nýtast svo vel á jólavertíðinni.
Jarðarlitir Þeir voru nú ekki beint æpandi litirnir í klæðnaði Evrópska liðsins árið 2002.
Kalt Blátt, silfur og hvítt eru einkennislitir Evrópska liðsins í ár.
[ Smellið til að sjá stærri mynd ]
Klæðnaður kylfinganna vekur athygli ekki síður en færni þeirra á vellinum.

Þó svo að athygli áhorfenda Ryder-bikarsins beinist fyrst og síðast að kylfingunum og hæfni þeirra úti á völlunum má alltaf finna einhverjar umræður um klæðnað liðanna, sem er aldrei eins ár frá ári.

Sniðin í peysum, bolum og buxum eru oftast svipuð ár frá ári enda telst golfklæðnaður trúlega til heldur hefðbundins og formfasts klæðnaðar. Litir og munstur eru þó breytileg milli ára og taka mið af straumum og stefnum í tísku þegar vel tekst til. Meðfylgjandi myndir sýna fatnað bandaríska liðsins í ár. Umræður um klæðnaðinn á netinu hafa að mestu snúist um fjólubláu peysuna, sem fólki þykir annaðhvort flott og djörf eða fáránleg. Til gamans eru svo birtar hér nokkrar myndir af liðum í Ryder-bikarnum gegnum árin svo lesendur geti upplifað það sem þótti móðins hverju sinni. birta@mbl.is