Brids - Guðmundur Páll Arnarson | ritstjorn@mbl.is

30-09-10 Ekkert rútínuspil.

Útspilið er ♦D og sagnhafi virðir fyrir sér blindan skamma stund. „Enn eitt rútínuspilið,“ hugsar hann svo, tekur á ♦Á og sendir lítið lauf á gosann í borði.

Gosinn heldur. Sagnhafi spilar næst litlu laufi heim á drottninguna og á þann slag líka, en vestur hendir spaða. Það er nefnilega það. Laufið skilar þá ekki fleiri slögum, en ekki er öll nótt úti enn. Sagnhafi spilar spaða á kóng og svínar ♥G til baka. En því miður, vestur á drottninguna og „rútínuspilið“ er fallið í valinn.

Leiðin til að fullnýta laufið er alls ekki hversdagsleg. Galdurinn er að spila fyrst drottningunni að heiman. Síðan litlu að borði og láta níuna þegar vestur fylgir ekki lit. Austur verður að drepa og þá má sækja ásinn heimafrá og spara innkomuna á ♠K.