Velvakandi

Eyrnalokkur fannst

Silfureyrnalokkur með svörtum ónix-steini fannst á Laugaveginum fyrir framan Rossopomodoro 22. desember.

Upplýsingar gefnar í síma 694-7899.

Íslensk alþýða

Ég hélt að íslensk alþýða væri svo menntuð að hún gæti tjáð sig í ræðu og riti. Þetta er ekki skoðun Ingibjargar Stefánsdóttur verkefnastjóra sem skrifar í Fréttablaðið og segir að alþýða landsins veigri sér við að senda eitthvað frá sér „lesi lítið sem ekkert og þannig mætti lengi telja“.

Ingibjörg segir að Pétur G. Guðmundsson hafi verið langafi sinn. Ef Pétur væri uppi núna hefði hann verið á móti því að bjóða út þrifin á Landspítalanum. Hann hefði tekið undir með ráðherranum sem sagði „það verður ekkert einkavætt á minni vakt“.

En það skefur fljótt í sporin, hver var hann nú aftur þessi langafi Ingibjargar verkefnastjóra? Sjá um hann í bókinni Við brún nýs dags eftir Þorleif Friðriksson, bls. 11 og áfram.