Fullt hús. A-Allir.

Fullt hús. A-Allir.

Norður
♠5
♥654
♦ÁG7654
♣942
Vestur Austur
♠Á10 ♠K9876432
♥ÁG109872 ♥K3
♦K32 ♦8
♣5 ♣86
Suður
♠DG
♥D
♦D109
♣ÁKDG1073
Ísak Örn Sigurðsson rak augun í spil þáttarins fyrir viku og hafði sögu að segja. Spilið er frá sveitakeppni Bridshátíðar, en þar keppti Ísak í sveit VÍS með Helga Sigurðsson sem makker. Andstæðingar þeirra voru Aðalsteinn Jörgensen og Bjarni Einarsson í sveit Sparisjóðs Siglufjarðar. Aðalsteinn var með áttlitinn í spaða og vakti á 3♠. Ísak sagði 3G á suðurhöndina, þrátt fyrir vafasamt spaðastopp, Bjarni 4♠ og Helgi 5♦, sem Bjarni doblaði. Útspilið var lauf og Helgi fékk þrettán slagi. Hinum megin spiluðu VÍS-menn 6♠ doblaða í A-V. Þar voru á ferð Stefán Jónsson og Hlynur Angantýsson gegn sigurvegurum tvímenningsins, Jóni Baldurssyni og Þorláki Jónssyni. Útspilið var ♥D og sagnhafi tók þrettán slagi.

Fáséð að sama sveitin taki alla slagina á báðum borðum!