Brids - Guðmundur Páll Arnarson | ritstjorn@mbl.is

EM 1935.

Frakkar unnu sinn fyrsta Evróputitil árið 1935. Liðinu stjórnaði Pierre Albarran (1896-1960), hugmyndafræðingurinn á bak við canapé -regluna – þá sagnaðferð að opna á styttri litum og segja þann lengri síðar. Tólf þjóðir kepptu á þessu móti og unnu Frakkar alla leiki nema einn. Spilið að ofan er frá viðureigninni við Ungverja, sem voru ríkjandi meistarar. Albarran og makker hans De Nexon voru í N-S og „tékkuðu sig upp í slemmu“. Útspilið var illa heppnað – ♦7.

Albarran byrjaði á því að svíða af austri tígulinn, drap fyrst níuna og svínaði svo fyrir gosann. Þegar hann innleysti næst laufslagina kallaði vestur eins og vitlaus maður í hálitunum. Albarran tók hann trúanlegan, spilaði ♠Á og spaða í lokastöðunni og fékk sendingu upp í ♥ÁD. Tólf slagir.