2. ágúst 1885 Minnisvarði um Hallgrím Pétursson var afhjúpaður norðan við Dómkirkjuna í Reykjavík. Þetta er steinn með hörpu ofan á og er eftir Júlíus Schou steinsmið. 2. ágúst 1924 Flogið var í fyrsta sinn yfir Atlantshaf til Íslands.
2. ágúst 1885
Minnisvarði um Hallgrím Pétursson var afhjúpaður norðan við Dómkirkjuna í Reykjavík. Þetta er steinn með hörpu ofan á og er eftir Júlíus Schou steinsmið.
2. ágúst 1924
Flogið var í fyrsta sinn yfir Atlantshaf til Íslands. Flugmaðurinn var sænskur, Eirik H. Nelson. Hann flaug frá Orkneyjum til Hornafjarðar á átta klukkustundum. Vélin kom til Reykjavíkur 5. ágúst, ásamt annarri vél sem kom degi síðar til Hornafjarðar. Báðar fóru til Grænlands 21. ágúst.
2. ágúst 1978
Lokað var fyrir rennsli í hitaveitulækinn í Nauthólsvík að næturlagi, en lækurinn hafði verið vinsæll baðstaður, ekki síst að dansleikjum loknum.
2. ágúst 1988
Kanadísk flugvél fórst í aðflugi að Reykjavíkurflugvelli. Hún skall til jarðar aðeins fimmtíu metrum sunnan Hringbrautar. Þrír menn létust.
Dagar Íslands | Jónas Ragnarsson.