Velvakandi

Kvengleraugu töpuðust

Gleraugu töpuðust í Norrænu í desember sl. Upplýsingar í síma 461 2094 eða 869 7400.

Fullkomin þjón usta ACER- tölvufyrirtækisins

Dóttir mín keypti í BT í júlí 2008 Acer-fartölvu sem bilaði í janúar 2010 og var þá hálft ár eftir af ábyrgðartíma. BT með nýja kennitölu harðneitaði að viðurkenna ábyrgðina. Harði diskurinn gaf sig og var sagt að viðgerð kostaði um 70 þúsund krónur. Undirritaður var ekki ásáttur við slík málalok og hafði samband við Acer í London sem brást drengilega við og viðurkenndi ábyrgðarskuldbindingar sínar og fékk umboðsmenn sína á Íslandi, Tölvutek ehf., til þess að framkvæma viðgerðina og er báðum aðilum þökkuð frábær þjónusta. Gefur þetta dæmi ekki tilefni til þess að hugað verði að lagasetningu til verndar neytendum sem kaupa dýr tæki sem eru í ábyrgð þegar seljandi fer á hausinn?